ကလေးများအား ရိုက်နှက်ပါက ထောင်ခြောက်လကျနိုင်သည့် ဥပဒေကြမ်းကို ပြည်သူ့လွှတ်တော်အတည်ပြု | 7Day Daily - ၇ ရက် နေ့စဉ် သတင်းစာ

{7Day News Journal မှာ ဖော်ပြထားသည်များကို ပြန်လည်ဝေမျှခြင်းဖြစ်ပါသည်။} မူရင်းသတင်းစာမျက်နှာသို့ သွားရောက်ကြည့်ရှုလိုပါက ဒီနေရာကို ကလစ်ပေးပါ။

ကလေးသူငယ် များကို ရိုက်နှက်ပြစ်ဒဏ်ပေးပါက မည်သူမဆို ထောင်ဒဏ်ခြောက် လအထိ ချမှတ်ခံရနိုင်သည့်အပြင် ငွေဒဏ်လည်း ချမှတ်နိုင်သည့် ကလေးသူငယ်အခွင့်အရေးများ ဆိုင်ရာ ဥပဒေကြမ်းကို ပြည်သူ့ လွှတ်တော်က အတည်ပြုခဲ့သည်။

လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေး ဝန်ကြီးဌာနက ရေးဆွဲတင်သွင်း ထားသည့် အဆိုပါ ဥပဒေကြမ်း ကို ယမန်နေ့က ကျင်းပသည့် ပြည်သူ့လွှတ်တော်အစည်းအဝေးတွင် အတည်ပြုခဲ့သည်။

အသက် (၁၈)နှစ်မပြည့် သေးသူများကို ကလေးသူငယ် အဖြစ်သတ်မှတ်ကြောင်း ယင်း ဥပဒေကြမ်းတွင် ပါရှိသည်။

မည်သူမဆို ကလေးသူငယ် များကို အရက်၊ ဘီယာဝယ်ခိုင်း ခြင်း၊ ရောင်းချခြင်း၊ သောက်ရန် တိုက်တွန်းခြင်း (သို့မဟုတ်) ခွင့်ပြုခြင်း၊ စိတ်ပိုင်းဆိုင်ရာ အကြမ်းဖက်ခြင်း၊ ရိုက်နှက်ပြစ်ဒဏ်ပေးခြင်း၊ ရုပ်ပိုင်းဆိုင်ရာ နှိပ်ကွပ်အနိုင်ကျင့်ခြင်းများ ပြုလုပ်ပါက အနည်းဆုံးထောင်တစ်လမှ ခြောက်လ အထိဖြစ်စေ၊ အနည်းဆုံး ကျပ်တစ်သိန်းမှ ကျပ်သုံးသိန်းအထိ ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ခံရမည်ဖြစ်သည်။

ထို့အပြင် ကလေးသူငယ် များကို တောင်းရမ်းစေခြင်း၊ တောင်းရမ်းရာတွင် ကလေးသူ ငယ်ကို အသုံးပြုခြင်းနှင့် မိမိအုပ် ထိန်းမှုအောက်ရှိ ကလေးသူငယ် တောင်းရမ်းနေသည်ကို တားမြစ် ရန် ပျက်ကွက်ခြင်းတို့အတွက် အနည်းဆုံး ခြောက်လမှ သုံးနှစ်အ ထိ ထောင်ဒဏ်ဖြစ်စေ၊ ကျပ်ခြောက်သိန်းမှ ၁၂ သိန်းအထိ ငွေဒဏ် ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်နိုင်ကြောင်း ဖော်ပြထား သည်။

ကလေးသူငယ်များကို ပြည့် တန်ဆာပြုလုပ်ခိုင်းစေခြင်း၊ လိင် ပိုင်းဆိုင်ရာ အလွဲသုံးခြင်း (သို့ မဟုတ်) ခေါင်းပုံဖြတ်ခြင်းပြုရန် ကလေးသူငယ်ကို အသုံးပြုခြင်း၊ ငွေ (သို့မဟုတ်) ပစ္စည်းပေး၍ ခေါ်ယူခြင်း၊ ဖြားယောင်းသွေး ဆောင်ခြင်း (သို့မဟုတ်) ကမ်း လှမ်းခြင်းတို့ ပြုလုပ်ပါက ထောင် ဒဏ် ၁၀ နှစ်အထိ ပြစ်ဒဏ်ချမှတ် နိုင်ကြောင်း ဥပဒေကြမ်းတွင် ပါရှိ သည်။

ထို့အတူ ကလေးသူငယ်ကို ရောင်းချခြင်း၊ ကလေးသူငယ်၏ ကိုယ်ခန္ဓာ အစိတ်အပိုင်းအား ရောင်းချခြင်း၊ ဝယ်ယူခြင်း၊ တရားမဝင်ထုတ်ယူဖယ်ရှားခြင်းတို့ ပြု လုပ်ပါက ထောင်ဒဏ် နှစ် ၂၀ အထိ ချမှတ်နိုင်သည့်အပြင် ငွေ ဒဏ် ကျပ်သိန်း ၅၀ အထိ ချမှတ် နိုင်ကြောင်း ဖော်ပြထားသည်။

ကလေးသူငယ်ကိုဖြစ်စေ၊ မသန်စွမ်းကလေးသူငယ်ကိုဖြစ် စေ မုဒိမ်းမှု ကျူးလွန်ပါက ထောင် ဒဏ် နှစ် ၂၀ မှ ထောင်ဒဏ် တစ် သက်အထိ ချမှတ်ရန် ဝန်ကြီးဌာန က အဆိုပြုသော်လည်း ပြည်သူ့ လွှတ်တော်ဥပဒေကြမ်းကော်မတီ က ပယ်ဖျက်ခဲ့သည်။

‘‘မုဒိမ်းမှုကျူးလွန်တယ်ဆို ရင် ရာဇသတ်ကြီးဥပဒေအတိုင်း အပြစ်ပေးရမယ်လို့ပဲ ပါတယ်။ ရာဇသတ်ကြီးဥပဒေကိုပဲ ညွှန်း ပေးလိုက်တယ်။ ပြင်ရမယ်ဆိုရင် တော့ ရာဇသတ်ကြီးဥပဒေကိုပဲ ပြင်ရမှာပေါ့’’ဟု ဥပဒေကြမ်း ကော်မတီ အတွင်းရေးမှူး ဦးကျော်စိုးလင်းက ရှင်းပြသည်။

ကလေးသူငယ်အခွင့်အရေး များဆိုင်ရာ ကုလသမဂ္ဂကွန်ဗင်း ရှင်းပါ အခွင့်အရေးများကို အ ကောင်အထည်ဖော်ဆောင်ရွက် ရန်၊ ကလေးသူငယ်အခွင့်အရေး များကို ဥပဒေနှင့်အညီ ရရှိခံစား နိုင်ရေး ကာကွယ်စောင့်ရှောက် ရန် စသည့်ရည်ရွယ်ချက်များဖြင့် ယင်းဥပဒေကြမ်းကို ရေးဆွဲထား ကြောင်း ပြည်သူ့လွှတ်တော် ဥပဒေကြမ်းကော်မတီက ပြော သည်။

ယခင်က အသက် (၁၆)နှစ် မပြည့်သေးသူများကိုသာ ကလေး သူငယ်အဖြစ် သတ်မှတ်သော် လည်း နိုင်ငံတကာသဘောတူစာ ချုပ်များနှင့် ညီညွတ်စေရန် အ သက် (၁၈)နှစ်သို့ တိုးမြှင့်သတ် မှတ်ထားကြောင်း ဦးကျော်စိုး လင်းက ဆိုသည်။

ထိုသို့ ပြောင်းလဲသတ်မှတ် ခြင်းကြောင့် ကလေးသူငယ်အခွင့် အရေးများ ပိုမိုရရှိနိုင်မည်ဖြစ် သော်လည်း ဆိုးကျိုးအချို့လည်း ရှိကြောင်း ၎င်းက သုံးသပ်သည်။ လက်ရှိတွင် အသက် (၁၄)နှစ်မှ (၁၈)အကြား လူငယ်အချို့ ပြစ်မှု ကျူးလွန်မှုများရှိနေရာ ၎င်းတို့ကို ထိရောက်စွာအရေးမယူနိုင်မည် ကို ထောက်ပြမှုများရှိသည်ဟု ဆို သည်။

‘‘တချို့ကျတော့ (၁၆)နှစ်ပဲ ပြန်ထားစေချင်တယ်။ အခု ပြစ်မှု ဖြစ်နေတာတွေက များသောအား ဖြင့် (၁၈)နှစ်အောက် ကလေး တွေဖြစ်နေတော့ ဥပဒေမှာက ထောင်မချရဘူး။ သင်တန်း ကျောင်းတွေပဲ ပို့ရမယ်ဆိုတော့ ပိုပြီးဆိုးလာမလားလို့ စိုးရိမ်ပူပန် မှုတွေလည်း ရှိပါတယ်’’ဟု ဦးကျော်စိုးလင်းက ပြောသည်။

ပြည်သူ့လွှတ်တော်က အ တည်ပြုထားသည့် အဆိုပါ ဥပဒေ ကြမ်းကို အမျိုးသားလွှတ်တော် တွင် ဆက်လက်ဆွေးနွေးအတည် ပြုရန် ကျန်ရှိပြီး၊ ထိုလွှတ်တော်အတည်ပြုပါက ဥပဒေအတည်ပြုပြဋ္ဌာန်းပြီးဖြစ်မည်။ လွှတ်တော်နှစ်ရပ်ကြား သဘောထားကွဲလွဲမှု များရှိပါက ပြည်ထောင်စုလွှတ် တော်တွင် ဆက်လက်ဆုံးဖြတ်ရ မည်ဖြစ်သည်။